حضور صلی اللہ علیہ وآلہ وسلم کی چار بیٹیوں کی اولاد کنتی ہے؟

سوال نمبر:762
حضور صلی اللہ علیہ وآلہ وسلم کی چار بیٹیاں تھیں جن میں‌ حضرت بی بی فاطمہ رضی اللہ عنہ کی اولاد کا پتہ چلتا ہے لیکن یہ پتہ نہیں چلتا کہ جو باقی تین بیٹیاں تھیں ان کے کتنے بیٹے اور بیٹیاں تھیں؟

  • سائل: محمد طارقمقام: لاہور، پاکستان
  • تاریخ اشاعت: 12 مارچ 2011ء

زمرہ: سیرت

جواب:
تاریخ کی کتب میں حضرت زینب بنت رسول اللہ صلی اللہ علیہ وآلہ وسلم کی اولاد کا ذکر موجود ہے۔

سیدہ حضرت زینب رضی اللہ عنہا کی اولاد ابو العاص بن الربیع سے ہوئی۔ ان میں ایک صاحبزادہ جن کا نام علی اور ایک صاحبزادی جن کا نام اُمامہ بنت ابی العاص تھا۔ ان کے سوا ایک اور بچہ تھا وہ صغر سنی میں ہی انتقال کر گیا تھا۔

حضور علیہ الصلوٰۃ والسلام کی دوسری بیٹی حضرت سیدہ رقیہ رضی اللہ عنہا کی اولاد میں عبداللہ بیٹا جو کہ حبشہ میں پیدا ہوا تھا اور حضرت عثمان رضی اللہ عنہ کی کُنیت ابو عبداللہ مشہور ہوئی۔ یہ بچہ عبداللہ چھ (6) سال کی عمر میں انتقال کر گیا تھا۔ اس کے علاوہ ایک بچہ ناتمام پیدا ہوا تھا۔

حضور علیہ الصلوٰۃ والسلام کی تیسری بیٹی سیدہ حضرت ام کلثوم رضی اللہ عنہا سے کوئی اولاد نہیں ہوئی۔

اولاد کے حوالے سے ہمیں جو کچھ ملا لکھ دیا ہے باقی سیدہ کائنات فاطمۃ الزہرہ رضی اللہ عنہا کی اولاد کے بارے میں ہم سب جانتے ہیں۔

واللہ و رسولہ اعلم بالصواب۔

مفتی: صاحبزادہ بدر عالم جان

اہم سوالات
  • بٹ کوئن کی ٹریڈنگ کا کیا حکم ہے؟
  • کاروباری شراکت کے اسلامی اصول کیا ہیں؟
  • وطن سے محبت کی شرعی حیثیت کیا ہے؟