وہ کون سے امور ہیں جن سے روزہ مکروہ ہوتا ہے؟

سوال نمبر:593
وہ کون سے امور ہیں جن سے روزہ مکروہ ہوتا ہے؟

  • تاریخ اشاعت: 12 فروری 2011ء

زمرہ: روزہ

جواب:

درج ذیل باتیں روزے میں مکروہ ہیں :

1۔ گوند چبانا یا کوئی اور چیز منہ میں ڈالے رکھنا۔

2۔ بلا ضرورت کسی چیز کا چکھنا، البتہ جس عورت کا خاوند سخت اور بد مزاج ہو اُسے زبان کی نوک سے سالن کا مزہ چکھ لینا جائز ہے۔

3۔ کلی یا ناک میں پانی ڈالنے میں مبالغہ کرنا۔

4۔ منہ میں بہت سا تھوک جمع کرکے نگلنا۔

5۔ غیبت کرنا، جھوٹ بولنا، گالی گلوچ کرنا۔

6۔ بھوک یا پیاس کی بے قراری اور گھبراہٹ کو ظاہر کرنا۔

7۔ نہانے کی حاجت ہو تو غسل کو قصداً صبح صادق کے بعد تک مؤخر کرنا۔

8۔ صوم وصال کے روزے رکھنا اگرچہ دوہی دن کا ہو۔

واللہ و رسولہ اعلم بالصواب۔

اہم سوالات
  • بٹ کوئن کی ٹریڈنگ کا کیا حکم ہے؟
  • کاروباری شراکت کے اسلامی اصول کیا ہیں؟
  • وطن سے محبت کی شرعی حیثیت کیا ہے؟