کیا ہاتھوں پر سینیٹائزر لگانے سے وضو ٹوٹ جاتا ہے؟

سوال نمبر:5876
السلام علیکم! کیا ہاتھوں پر سینیٹائزر لگانے سے وضو ٹوٹ جاتا ہے؟

  • سائل: ایاز محبوبمقام: ابوظہبی
  • تاریخ اشاعت: 17 ستمبر 2020ء

زمرہ: وضوء

جواب:

ہاتھوں پر سینیٹائزر (HAND SANITIZER) لگانے کا مقصد ہاتھوں کی صفائی ہے، اس میں جراثیم کش کیمکل استعمال کیے جاتے ہیں۔ یہ کیمیکلز صنعتی پیمانے پر تیار کیے جاتے ہیں، ان میں نشہ نہیں ہوتا یا ہو بھی تو شراب کی تعریف اس پر صادق نہیں آتی اس لیے یہ مطلقاً نجس نہیں ہوتے۔ جن اشیاء میں ایسے کیمیکلز شامل ہوں ان کے استعمال میں حرج نہیں۔ اس لیے صفائی یا کسی بھی بیماری سے بچاؤ کے لیے سینیٹائزر کا استعمال جائز ہے۔ سینیٹائزر لگانا ایسا عمل نہیں جسے ناقضِ وضو قرار دیا جائے۔ اس لیے وضو کے بعد سینیٹائزر لگانے سے وضو نہیں ٹوٹتا، تاہم احتیاطاً وضو کے بعد ہاتھوں پر سینیٹائزر لگانے سے اجتناب کرنا زیادہ بہتر ہے۔

واللہ و رسولہ اعلم بالصواب۔

مفتی: محمد شبیر قادری

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟