روزہ کی حالت میں‌ ماہواری شروع ہونے پر روزے کا کیا حکم ہے؟

سوال نمبر:5491
میرا سوال یہ ہے کہ اگر عورت روزہ دار ہو اور افطار سے پانچ منٹ پہلے اسکو حیض آجائے تو کیا اسکا روزہ مکمل ہوگیا یا نہیں؟

  • سائل: جنید ملکمقام: جموں کشمیر، اینڈیا
  • تاریخ اشاعت: 20 مئی 2019ء

زمرہ: روزہ

جواب:

روزہ کی حالت میں ماہواری شروع ہوجانے سے روزہ فاسد ہوجاتا ہے، اگرچہ غروب آفتاب سے چند لمحہ قبل ہی ماہواری کا خون آنا شروع ہوا۔ اس کی قضاء واجب ہوگی۔ روزہ فاسد ہونے کے بعد عورت کے لیے کھانا پینا جائز ہے، البتہ رمضان المبارک کے احترام میں کھلے عام کھانے پینے سے اجتناب کیا جائے گا۔

اگر حیض مغرب سے قبل آئے تو روزہ باطل ہوگا اور اس کی قضاء ہوگي لیکن اگر مغرب کے بعد حیض آنے کی صورت میں روزہ صحیح اور مکمل ہے، اس قضاء نہيں ہے۔

واللہ و رسولہ اعلم بالصواب۔

مفتی: محمد شبیر قادری

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟