کیا حلق کے بعد سر ڈھانپنے پر دم لازم ہے؟

سوال نمبر:4760
السلام علیکم! میں نے سعی اور حلق کے چند منٹ‌ بعد سر ڈھانپ لیا تھا‘ کیا مجھ پر دم لازم ہے؟ دم کہاں دیا جائے گا سعودی عرب میں‌ یا پاکستان میں؟

  • سائل: زاہد احمدمقام: پاکستان
  • تاریخ اشاعت: 27 مارچ 2018ء

زمرہ: دمِ جنایت

جواب:

آپ نے وضاحت نہیں‌ کی کہ حلق کے بعد آپ نے احرام کھول دیا تھا یا نہیں‌؟ اگر احرام کھولنے کے بعد سر ڈھانپا تھا تو کوئی کفارہ نہیں۔ البتہ اگر حالتِ احرام میں کچھ دیر سر ڈھانپا تھا تو دم واجب نہیں ہے، بلکہ صدقہ فطر کی مقدار کے برابر صدقہ دینا لازم ہے۔ یہ صدقہ اہلِ حرم کا حق ہے‘ یہ مکہ میں ہی ادا کیا جائے گا۔ مزید ضاحت کے لیے ملاحظہ کیجیے:

کیا حالتِ احرام میں سر ڈھانپنے پر دم لازم ہے؟

واللہ و رسولہ اعلم بالصواب۔

مفتی: محمد شبیر قادری

اہم سوالات
  • بٹ کوئن کی ٹریڈنگ کا کیا حکم ہے؟
  • قطع تعلقی کرنے والے رشتے داروں سے صلہ رحمی کا کیا حکم ہے؟
  • مزارات پر پھول چڑھانے اور چراغاں کرنے کا کیا حکم ہے؟