Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا غیر سنی دوست سے بات چیت کرنا بند کر دینی چاہیے؟

کیا غیر سنی دوست سے بات چیت کرنا بند کر دینی چاہیے؟

موضوع: عقائد

سوال پوچھنے والے کا نام: رابعہ علی       مقام: پاکستان

سوال نمبر 3036:
السلام علیکم میرا سوال یہ ہے کہ میری ایک دوست ہے وہ سنی مسلک سے نہیں‌ ہے میں‌ صرف یہ جاننا چاہتی ہوں کہ ہم کیسے بول چال رکھ سکتی ہیں اور رکھ سکتی ہیں‌ یا نہیں میں‌ نے ایک مولانا صاحب سے پوچھا ہے اس نے جواب دیا کہ بول چال نہیں‌ رکھ سکتے میں نے بات کرنا چھوڑ دی مجھے ڈاکٹر صاحب کی رائے اس بارے میں‌ جاننی ہے کیونکہ میں‌ اور میری فیملی ان کو سنتے ہیں اور ان کی تعلیمات پر عمل کرتے ہیں۔

جواب:

ایسی کوئی بات نہیں ہے، آپ اپنے عقیدہ کے مطابق رہیں اور وہ اپنے عقیدہ کے مطابق رہے، بول چال رکھیں۔ لیکن اپنے عقیدے کی حفاظت کریں، قرآن وحدیث کا مطالعہ کریں، عقیدہ کے حوالے سے اس کی باتوں میں نہ آئیں۔ آپ کا عقیدہ پختہ ہونا چاہیے، اگر وہ آپ سے ایسی کوئی بات کرے یعنی اپنے عقیدہ کے طرف بلائے تو پھر آپ اس سے معذرت کر لیں۔ لیکن اگر وہ آپ کو ایسی دعوت نہیں دیتی تو اس سے بول چال رکھیں، منع نہیں ہے۔ ہاں اگر وہ آپ کے عقیدے کے خلاف کھل کر بولتی ہے تو پھر آپ اس سے بچ کہ رہیں۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2014-01-30


Your Comments