Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - صاحب نصاب کا زکوۃ ادا کرنے کی استطاعت نہ ہونے پر کیا حکم ہے؟

صاحب نصاب کا زکوۃ ادا کرنے کی استطاعت نہ ہونے پر کیا حکم ہے؟

موضوع: عبادات  |  زکوۃ  |  فرضیت زکوۃ   |  شرائط وجوب زکوۃ

سوال پوچھنے والے کا نام: احترام احمد قریشی       مقام: بھوپال

سوال نمبر 2867:
السلام علیکم میرا سوال یہ ہے کہ اگر کسی عورت کو اس کی شادی میں اس کے ماں باپ کی طرف سے اور سسرال کی طرف سے جو زیورات ملے ہیں ان کی مقدار اتنی ہوتی ہے کہ وہ ساڑھے باون تولہ چاندی کی مقدار میں آتا ہے اور شوہر کی اتنی آمدنی یا حیثیت نہیں کہ وہ انکی زکوۃ نکال سکے اور بیوی کی کوئی آمدنی کی شکل نہیں تو کیا کرنا چاہیے؟

جواب:

زیورات جو عورت کو والدین اور سسرال کی طرف سے ملتے ہیں، وہ اس عورت کی ملکیت ہوتی ہے۔ اگر وہ زیورات ساڑھے سات تولے سونا ہو یا ساڑھے باون تولے چاندی ہو تو اس عورت پر زکوۃ فرض ہو گی، خاوند پر نہیں۔ لہذا عورت اس زیور کو بیچ کر زکوۃ دے یا کسی اور ذریعہ سے دے ا س کا فرض بنتا ہے، اگر نہیں ادا کرے گی تو گنہگار ہو گی۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2013-11-16


Your Comments