Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا تخلیقِ کائنات کا نبی کریم (ص) کی تخلیق کے ساتھ مشروط ہونا کسی حدیث سے ثابت ہے؟

کیا تخلیقِ کائنات کا نبی کریم (ص) کی تخلیق کے ساتھ مشروط ہونا کسی حدیث سے ثابت ہے؟

موضوع: حیاۃ النبی صلی اللہ علیہ وسلم  |  ایمانیات

سوال پوچھنے والے کا نام: احمد حسن مصطفوی       مقام: واہ کینٹ

سوال نمبر 2747:
السلام علیکم میرا سوال یہ ہے کہ نبی کریم صلی اللہ علیہ وآلہ وسلم کی تخلیق کے بارے میں کیا کوئی ایسی حدیث قدسی موجود ہے کہ سرکار دو جہاں صلی اللہ علیہ وآلہ وسلم نے فرمایا ہو کہ اگر رب العزت نبی کریم صلی اللہ علیہ وآلہ وسلم کو اس دنیا میں پیدا نہ فرماتا تو اس کائنات کو ہی پیدا نہ کیا جاتا؟ براہ کرم وضاحت فرما دیں۔

جواب:

امام حاکم رضی اللہ عنہ نے اپنی کتاب المستدرک میں جو حدیث مبارکہ نقل کی ہے درج ذیل ہے:

عن ابن عباس رضی الله عنهما قال اوحی الله الی عيسی عليه السلام يا عيسی امن بحمد وامر من ادرکه من امتک ان يومنوا به فلولا محمد ما خلقت ادم ولو لا محمد ما خلقت الجنة ولا النار ولقد خلقت العرش علی الماء فاضطرب فکتب عليه لا اله الا الله محمد رسول الله فسکن.

ابن عباس رضی اللہ عنہما سے مروی ہے کہ اللہ تعالی نے فرمایا عیسی علیہ السلام کو وحی بھیجی کہ محمد صلی اللہ علیہ وآلہ وسلم پر خود بھی ایمان لاؤ اور اپنی اس امت کو بھی حکم دو، جو ان کا زمانہ پائے کہ وہ بھی آپ پر ایمان لائیں۔ کہ محمد صلی اللہ علیہ وآلہ وسلم نہ ہوتے تو نہ جنت پیدا کرتا، نہ دوزخ۔ میں نے پانی پر عرش پیدا کیا، تو وہ کانپنے لگا، میں نے اس پر لکھا لا الہ الا الہ محمد رسول اللہ (اللہ کے سوا کوئی سچا معبود نہیں محمد صلی اللہ علیہ وآلہ وسل اللہ کے رسول ہیں)۔ تو اسے سکون آ گیا۔

حاکم المستدرک علی الصحیحین، 2 : 671، رقم 4227، دار الکتب العلمیۃ بیروت

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2013-09-23


Your Comments