Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - حضرت علی رضی اللہ عنہ کا جنازہ کس نے پڑھایا اور وہ مدفون کہاں پر ہیں؟

حضرت علی رضی اللہ عنہ کا جنازہ کس نے پڑھایا اور وہ مدفون کہاں پر ہیں؟

موضوع: عبادات  |  نماز جنازہ

سوال پوچھنے والے کا نام: محبتی مورزادو       مقام: جیکب آباد، سندہ

سوال نمبر 2717:
السلام علیکم میرا سوال یہ ہے کہ حضرت علی رضی اللہ عنہ کے وصال بارے صحیح روایات سے بتائیں کہ کس کس نے غسل دیا، جنازہ کس نے پڑھایا، اور وہ کہاں پر مدفون ہیں؟ بعض شیعہ کہتے ہیں علی رضی اللہ عنہ کی میت کو زمین میں کسی نے بھی دفن نہیں کیا بلکہ فرشتے ان کا جنازہ آسمان پر لے گئے۔ برائے مہربانی درست انداز سے ہماری رہنمائی کریں۔

جواب:

صحیح روایت کے مطابق حضرت علی رضی اللہ عنہ پر کوفہ کی جامع مسجد میں چالیس ہجری سترہ رمضان بروز جمعۃ المبارک نماز فجر کے وقت عبد الرحمن ابن ملجم نے قاتلانہ حملہ کیا۔ جس کی وجہ سے آپ رضی اللہ عنہ انیس رمضان المبارک کو شہید ہو گئے۔ کفن دفن حضرت حسن، حسین، حنیفہ اور عبد اللہ بن جعفر رضی اللہ عنہم نے کیا اور باقی لوگ بھی ساتھ تھے۔

جنازہ حضرت حسن بن علی بن ابی طالب نے پڑھایا اور آپ رضی اللہ عنہ کو گورنر ہاؤس کے پاس کوفہ میں ہی دفن کیا گیا لیکن آپ رضی اللہ عنہ کی قبر مبارک کو خفیہ رکھا گیا کیونکہ خارجیوں کے بے حرمتی کرنے کا ڈر تھا۔

حافظ ابن کثیر، البدایۃ والنھایۃ، 7 : 330، 331، مکتبۃ المعارف بیروت

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2013-08-22


Your Comments