Fatwa Online Durood-e-Minhaj
Home Latest Questions Most Visited Ask Scholar
  وطن سے محبت کی شرعی حیثیت کیا ہے؟ 
فتویٰ آن لائن - کیا دوران عدت نکاح ہو سکتا ہے؟

کیا دوران عدت نکاح ہو سکتا ہے؟

موضوع: نکاح   |  عدت کے احکام

سوال پوچھنے والے کا نام: نجم الحسن       مقام: ڈیرہ غازی خان

سوال نمبر 2451:
السلام علیکم میرا سوال یہ ہے کہ کیا دوران عدت نکاح ہو سکتا ہے؟

جواب:

آپ نے وضاحت نہیں کی کہ طلاق کی عدت ہے یا شوہر کے فوت ہو جانے کی عدت ہے؟ بہر حال جو جو صورتیں بنتی ہیں آپ کے سامنے رکھ دیتے ہیں۔

  1. بیوہ تو عدت پوری کرنے کے بعد ہی نکاح کر سکتی ہے۔
  2. اگر تین طلاقیں واقع ہو جائیں پھر مطلقہ عدت پوری کرنے کے بعد کسی اور سے نکاح کر سکتی ہے۔ عدت کے اندر نہیں کر سکتی۔
  3. تیسری صورت یہ ہے کہ طلاق بائن ہو جائے تو کسی اور سے تو نکاح عدت کے بعد ہی کر لے گی لیکن پہلے خاوند سے ہی نکاح کرنا چاہیے تو عدت کے اندر کر سکتی ہے۔
  4. رخصتی اور خلوت صحیحہ سے پہلے طلاق ہو جائے تو عدت نہیں ہوتی طلاق کے فورا بعد کسی اور سے نکاح کر سکتی ہے۔

المختصر کسی اور سے نکاح کے لیے عدت پوری کرنا لازم ہے سوائے رخصتی اور خلوت صحیحہ سے پہلے طلاق ہونے کے۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2013-03-13


Your Comments