Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا زوال کے وقت تلاوت قرآن اور دیگر تسبیحات پڑھنا جائز ہے؟

کیا زوال کے وقت تلاوت قرآن اور دیگر تسبیحات پڑھنا جائز ہے؟

موضوع: عبادات  |  زکوۃ  |  تلاوت‌ قرآن‌ مجید

سوال پوچھنے والے کا نام: محمد یوسف       مقام: راولپنڈی، پاکستان

سوال نمبر 2271:
السلام علیکم میرا سوال یہ ہے کہ کیا زوال کے وقت تلاوت قرآن اور دیگر تسبیحات پڑھی جا سکتی ہیں؟

جواب:

یہ ایک غلط بات مشہور ہو چکی ہے کہ زوال کے وقت عبادت جائز ہے یا ناجائز۔ اصل میں 24 گھنٹوں میں تین اوقات ایسے ہیں جن میں نماز پڑھنا اور سجدہ تلاوت جائز نہیں ہے۔ وہ اوقات درج ذیل ہیں:

1۔ طلوع آفتاب

یعنی سورج نکلنے کا وقت۔

2۔ وقت استواء

جب سورج بالکل درمیان میں ہوتا ہے۔

3۔ غروب آفتاب

جب سورج غروب ہوتا ہے۔

زوال کا وقت تو وقت استواء کے بعد شروع ہوتا ہے یعنی جب سورج ڈھلنا شروع ہوتا ہے۔ معلوم ہوا زوال کے وقت نماز اور سجدہ تلاوت جائز ہے۔ ممنوعہ اوقات بیان کر دیئے گئے ہیں۔ باقی رہا تلاوت قرآن اور دیگر تسبیحات ہر وقت جائز ہیں۔ ان کے لیے کوئی ممنوع وقت نہیں ہے۔

واللہ و رسولہ اعلم بالصواب۔

مفتی: عبدالقیوم ہزاروی

تاریخ اشاعت: 2012-11-03


Your Comments