Fatwa Online Durood-e-Minhaj
Home Latest Questions Most Visited Ask Scholar
   
فتویٰ آن لائن - کیا خلافت راشدہ کا ذکر قرآن میں موجود ہے؟

کیا خلافت راشدہ کا ذکر قرآن میں موجود ہے؟

موضوع: امارت و خلافت

سوال پوچھنے والے کا نام: عامر محمود       مقام: فرانس

سوال نمبر 2033:
کیا خلافت راشدہ کے متعلق قرآن میں ذکر ہوا ہے؟ مہربانی فرما کر مجھے وہ آیات کریمہ بتا دیں جو خلافت راشدہ کے موضوع پر نازل ہوئی ہیں۔

جواب:

خلافت راشدہ کا ذکر قرآن مجید میں موجود ہے۔ اللہ تعالی نے ارشاد فرمایا :

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ۔

(النُّوْر ، 24 : 55)

اللہ نے ایسے لوگوں سے وعدہ فرمایا ہے (جس کا ایفا اور تعمیل امت پر لازم ہے) جو تم میں سے ایمان لائے اور نیک عمل کرتے رہے وہ ضرور انہی کو زمین میں خلافت (یعنی امانتِ اقتدار کا حق) عطا فرمائے گا جیسا کہ اس نے ان لوگوں کو (حقِ) حکومت بخشا تھا جو ان سے پہلے تھے اور ان کے لئے ان کے دین کو جسے اس نے ان کے لئے پسند فرمایا ہے (غلبہ و اقتدار کے ذریعہ) مضبوط و مستحکم فرما دے گا اور وہ ضرور (اس تمکّن کے باعث) ان کے پچھلے خوف کو (جو ان کی سیاسی، معاشی اور سماجی کمزوری کی وجہ سے تھا) ان کے لئے امن و حفاظت کی حالت سے بدل دے گا، وہ (بے خوف ہو کر) میری عبادت کریں گے میرے ساتھ کسی کو شریک نہیں ٹھہرائیں گے (یعنی صرف میرے حکم اور نظام کے تابع رہیں گے)، اور جس نے اس کے بعد ناشکری (یعنی میرے احکام سے انحراف و انکار) کو اختیار کیا تو وہی لوگ فاسق (و نافرمان) ہوں گے۔

اس آیت مقدسہ میں اللہ تعالی نے خلافت کی بات کی ہے، اگر ان سب خلافتوں میں سے خلافت راشدہ کو نکال دیا جائے تو پھر اللہ تعالی کا وعدہ کب پورا ہو گا جو اس نے فرمایا ہے؟

لہذا اس آیت مقدسہ میں خلافت راشدہ کا ذکر بھی موجود ہے۔

واللہ و رسولہ اعلم بالصواب۔

مفتی: حافظ محمد اشتیاق الازہری

تاریخ اشاعت: 2012-08-04


Your Comments