Fatwa Online

کیا میں ایک ہی لڑکی سے بغیر طلاق دیے دو بار نکاح کر سکتا ھوں؟

سوال نمبر:821

کیا میں ایک ہی لڑکی سے بغیر طلاق دیے دو بار نکاح کر سکتا ھوں؟

سوال پوچھنے والے کا نام: فھیم اقبال

  • مقام: لاہور، پاکستان
  • تاریخ اشاعت: 26 مارچ 2011ء

موضوع:طلاق   |  نکاح

جواب:
دوبارہ نکاح کی ضرورت اس وقت ہوتی ہے جب بیوی کو طلاق بائن ہو۔ جب یہ نہ ہو تو پہلا نکاح برقرار ہے دوبارہ نکاح کی ضرورت نہیں۔

اگر کسی شخص کو شک ہو کہ اس نے بیوی کو کچھ ایسے کلمات کہے ہیں جو موجب طلاق بائن ہیں تو پھر دوبارہ نکاح لازمی ہے، ورنہ نہیں۔

طلاق بائن کنایہ الفاظ سے واقع ہوجاتی ہے یعنی جب شوہر صریح لفظ طلاق استعمال نہ کرے بلکہ یوں کہے اپنے باپ کے گھر چلی جا، دفع ہو جا یا مجھے تیری ضرورت نہیں ہے وغیرہ وغیرہ۔ اگر نیت طلاق کی ہو تو طلاق ہو جائے گی اور اگر نیت طلاق کی نہیں تھی تو طلاق نہیں ہوگی۔کنایہ الفاظ کا دار و مدار نیت پر ہوتا ہے۔

واللہ و رسولہ اعلم بالصواب۔

مفتی:صاحبزادہ بدر عالم جان

Print Date : 12 April, 2021 07:55:47 PM

Taken From : https://www.thefatwa.com/urdu/questionID/821/