موسیقی کی ویب سائٹ سے حاصل شدہ آمدنی کا کیا حکم ہے؟
سوال نمبر:3821
السلام علیکم! میری دو ویب سائٹس ہیں جن پر ویڈیو گانے اپلوڈ کرتا ہوں۔ ان پر لگنے والے اشتہارات سے آمدنی حاصل ہوتی ہے۔ میراسوال یہ ہے کہ موسیقی کی ویب سائٹس سے حاصل ہونے والی آمدنی کا کیا حکم ہے؟
سوال پوچھنے والے کا نام: محمد اسماعیل
- مقام: ڈیرہ غازی خان
- تاریخ اشاعت: 02 مارچ 2016ء
موضوع:موسیقی/قوالی | جدید فقہی مسائل
جواب:
موسیقی فی نفسہ ممنوع نہیں ہے۔ تاہم جب اس کے ساتھ فحش کلام اور اور عریاں رقص کو شامل کر لیا جائے تو اس کی خرید و فروخت کر کے اسے فروغ دینا قطعاً حرام ہو جاتا ہے۔ اگر اپنی ویب سائٹ پر آپ فحش گانے اور عریاں ویڈیوز اپ لوڈ کرتے ہیں تو اس کی آمدنی ناجائز ہے، ورنہ نہیں۔
واللہ و رسولہ اعلم بالصواب۔