بیٹے کی پیدائش کا وظیفہ کیا ہے؟
سوال نمبر:3629
السلام علیکم! مجھے بیٹے کی شدید خواہش ہے اور میں نے اس کے لیے کئی منتیں مانیں اور وظائف پڑھے مگر میرے گھر میں پھر بھی بیٹی ہوئی ہے۔ کیا میں وہ منتیں پوری کروں؟ اور مجھے بیٹے کے لیے کوئی وظیفہ بھی بتائیں۔
سوال پوچھنے والے کا نام: ثمینہ عابد
- مقام: سعودی عرب
- تاریخ اشاعت: 25 مئی 2015ء
موضوع:متفرق مسائل
جواب:
اگر آپ نے بیٹے کی پیدائش کے لیے کوئی منت یا نظر مانی تھی اور آپ کے ہاں بیٹے کی پیدا نہیں ہوا تو منت کا پورا کرنا آپ پر واجب نہیں۔ منت یا نظر پوری کرنا اس وقت واجب ہوتا ہے جب وہ مقصد حاصل ہوجائے جس کے لیے نظر مانی گئی تھی۔
اولاد نرینہ کے حصول کے لیے اوّل و آخر درودِ پاک پڑھ کر روزانہ ’یَا اَوّلُ‘ کا سو (100) بار ورد کریں۔ یہ وظیفہ حسبِ ضرورت 11 دن، 40 دن یا اس سے بھی زائد عرصہ جاری رکھیں۔ ان شاءاللہ اولادِ نرینہ کی نعمت ملے گی۔
واللہ و رسولہ اعلم بالصواب۔