کیا غیر صاحبِ نصاب، صاحبِ نصاب کے ساتھ نفلی قربانی کر سکتا ہے؟
سوال نمبر:3189
مفتی صاحب السلام علیکم! اگر ایک قربانی کے حصہ داروں میں پانچ حصہ دار صاحبِ نصاب ہوں، اور دو صاحبِ نصاب تو نہ ہوں بلکہ ثواب کی نیت سے قربا نی کر رہے ہوں۔ کیا ان غیر صاحبِ نصاب کی قربانی، صاحبِ نصاب کے ساتھ ہو سکتی ہے؟ یعنی دو نفلی ہیں اور پانچ فرض ہیں۔ اس فرضی ونفلی میں فرق تو نہیں ہو گا؟
سوال پوچھنے والے کا نام: حبیب نواز
- مقام: متحدہ عرب امرات
- تاریخ اشاعت: 04 جولائی 2014ء
موضوع:قربانی کے احکام و مسائل
جواب:
اس میں شرعاً کوئی ممانعت نہیں ہے، سب کی قربانی ہوجائے گی۔
جیسے ایک ہی بندہ سات حصوں والا جانور اکیلے قربان کر سکتا ہے، جبکہ اس کی واجب قربانی تو صرف ایک ہی ہوتی ہے۔ اسی طرح ایک بڑے جانور میں قربانی اور عقیقہ ایک ساتھ ہو سکتے ہیں۔ اس سے قربانی میں کوئی فرق نہیں پڑتا۔ سب کی قربانی ہو جائے گی۔
واللہ و رسولہ اعلم بالصواب۔